Перамясціць партыю наркотыку, схаваную ў тайніку, спрабаваў грамадзянін Малдовы, які рухаўся з Літвы праз пункт пропуску «Каменны Лог» на парожнім грузавым транспартным сродку. 

«Агляд з прымяненнем інспекцыйна-надгляднага комплексу пацвердзіў здагадкі мытнікаў па магчымым увозе ў гэтым аўто забароненых рэчываў. На атрыманай сканаграме выяўлена спецыяльна абсталяваная ў канструкцыі транспартнага сродку ніша. Пры даглядзе з яе вынята 22 абгорнутых скотчам скруткі з рэчывам цёмнага колеру», — расказалі ў ДМК.

Заключэнне эксперта Лідскага міжраённага аддзела ДКСЭ пацвердзіла, што гэта гашыш. Устаноўлены арганізатар пастаўкі - 54-гадовы грамадзянін Беларусі. У дачыненні да яго распачата крымінальная справа па ч. 2 арт. 328-1 КК. Санкцыя артыкула прадугледжвае пакаранне аж да 10 гадоў пазбаўлення волі. 

Мужчына змешчаны пад варту.