У венгерскім Сегедзе ў намінальна дамашнім матчы падапечныя Ігара Кавалевіча паспрабуюць узяць рэванш за паражэнне ад фарэрскага «Клаксвіка». На мінулым тыдні ў Торсхаўне віцэ-чэмпіёны Фарэрскіх астравоў выйгралі ў «Нёмана» з вынікам 2:0. Сустрэчу будзе судзіць шатландская брыгада арбітраў, якую ўзначаліць Дональд Робертсан. Паядынак пачнецца ў 21:00 і будзе транслявацца ў прамым эфіры тэлеканала «Беларусь 5». Пераможца гэтай пары паспрачаецца за трапленне ў асноўны этап Лігі канферэнцый з іспанскім «Раё Вальекана» з Мадрыда.

У першым крузе кваліфікацыі трэцяга па рангу кантынентальнага турніру сярэбраныя прызёры чэмпіянату Беларусі двойчы перамаглі армянскі «Урарту » з Ерэвана — 2:1 і 4:0, а затым аказаліся мацнейшымі за футбалістаў славацкага «Кошыцэ» — 3:2 і 1:1. Пасля другога раўнда з еўракубкавых турніраў выбылі мінскае «Дынама» і жодзінскае «Тарпеда-БелАЗ», а брэсцкае «Дынама» завяршыла свой еўракубкавы сезон пасля першага этапу кваліфікацыі ЛК.