Дзеючыя чэмпіёны краіны баскетбалісты «Гродна-93» у сябе дома разграмілі гасцей з РДВАР з розніцай у 46 ачкоў. «Мінск» таксама на сваёй пляцоўцы ўпэўнена перайграў Брэсцкую «Вікторыю» з перавагай у 54 балы — 94:40. Учора лідар першынства Магілёўскі «Барысфен» з вялікай працай адолеў у Віцебску мясцовы «Рубон» — 85:83 (у авертайме).

Пасля 11 тураў становішча ў групе лідараў такое: «Барысфен» — 21 бал, «Гродна-93» — 20, «Мінск» — 19, «Рубон» — 15.

Заўтра «Гродна-93» у сябе дома будзе супернічаць з выхаванцамі РДВАР, а баскетбалісты «Мінска» згуляюць на сваёй пляцоўцы з брэсцкай" Вікторыяй«, у якой усяго адна перамога.

Турнірную табліцу жаночага чэмпіянату ўзначальваюць баскетбалісткі «Мінска» і «Гарызонта», якія набралі па 21 ачку, у Гродзенскай «Алімпіі» на адзін бал менш. Заўтра адбудзецца паядынак аўтсайдэраў, у актыве якіх усяго па адной перамозе — «Гомельскія Рысі» прымуць маладзёжную каманду Гродзенскай «Алімпіі».