«У медыцынскіх установах Батумі працягваюць заставацца грамадзяне Беларусі, якія пацярпелі ў трагічным дарожна-транспартным здарэнні, у тым ліку непаўналетнія. Грузінскі бок аказвае ім усю неабходную медыцынскую дапамогу», — заявілі ў МЗС.

Пасольства Беларусі знаходзіцца на пастаяннай сувязі з пацярпелымі і іх сваякамі, беларускі консул непасрэдна ў Батумі забяспечвае неабходнае консульскае суправаджэнне і каардынуе ўзаемадзеянне з сем’ямі загінуўшых. Дыпламаты актыўна садзейнічаюць вырашэнню ўсіх пытанняў, звязаных з лячэннем, афармленнем дакументаў і маючай адбыцца рэпатрыяцыяй цел загінуўшых на радзіму.

«Афіцыйныя ўлады Аджарыі і кіраўніцтва паліцыі Батумі прымаюць актыўны ўдзел у арганізацыі дапамогі пацярпелым. Яны ўжо выказалі шчырыя спачуванні сем’ям загінуўшых і прынеслі афіцыйныя прабачэнні ў сувязі з трагедыяй», — адзначылі ў МЗС.

Па факце ДТЗ узбуджана крымінальная справа па артыкуле, які прадугледжвае адказнасць за парушэнне правілаў дарожнага руху, якое прывяло да цяжкіх наступстваў.