«На граніцы Беларусі з ЕС захоўваецца напружаная сітуацыя з аўтамабілямі, якія чакаюць уезду на сумежную еўрапейскую тэрыторыю. Кантралюючыя службы Літвы, Латвіі і Польшчы штодня ігнаруюць устаноўленыя нормы пропуску транспарту», — падкрэслілі ў беларускім пагранічным ведамстве.

Польскі напрамак застаецца самым загружаным для фур. Перад пагранічным пераходам «Кукурыкі» (сумежны «Казловічы») уезду ў Польшчу чакаюць 1490 фур. За суткі сумежны бок прыняў на сваю тэрыторыю 64 % велікагрузаў ад нормы. 

Перад літоўскім пагранічным пераходам «Мядзінінкай» («Каменны Лог») знаходзіцца 790 грузавікоў. Праз гэты пункт пропуску ў Літву за суткі прайшло 14 % аўто ад нормы. 

Кантралюючыя службы латвійскага пункта пропуску «Патэрніекі» (сумежны «Грыгароўшчына») прынялі на сваю тэрыторыю 26 % велікагрузаў. Уезду ў Латвію чакаюць 360 фур.

Перад адзіным даступным для легкавікоў польскім пагранічным пераходам «Цярэспаль» («Брэст») фіксуецца 3 тыс. легкавых аўто і 155 аўтобусаў. Сумежны бок за суткі прыняў на сваю тэрыторыю 33 % аўтамабіляў ад нормы.