«Дзяржпагранкамітэт дагэтуль не атрымаў ад літоўскіх улад афіцыйнага паведамлення аб парадку функцыянавання пагранічных пераходаў „Шальчынінкай“ (сумежны «Беняконі») і «Мядзінінкай» («Каменны Лог»). З панядзелка пропуск транспарту ў «Шальчынінкаі» не аднаўляўся», — адзначылі ў беларускім пагранічным ведамстве.

Самы загружаны маршрут для фур на ўезд у Еўрасаюз праходзіць праз польскі пагранпераход «Кукурыкі» (сумежны «Казловічы»), дзе ў чарзе знаходзіцца 2,9 тыс. велікагрузаў. За суткі сумежны бок прапусціў 57 % грузавых аўтамабіляў ад нормы.

Кантралюючыя службы латвійскага пункта пропуску «Патэрніекі»  («Грыгароўшчына») аформілі 37 % аўто ад нормы. Уезду ў Латвію чакаюць 510 грузавікоў.

Уезду ў Польшчу перад пунктам пропуску «Цярэспаль» («Брэст») чакаюць 1160 легкавых аўто і 70 аўтобусаў. Сумежны бок за суткі прыняў на сваю тэрыторыю 39 % аўтамабіляў ад нормы.