Тэль-Авіў атакаваў Міністэрства абароны ў арабскай краіне, ядзерную штаб-кватэру, лабараторыі і нафтавыя аб’екты. СПА працавала адразу ў 7 правінцыях краіны. Нанесены ўдары па двух нафтасховішчах у Тэгеране, на абодвух аб’ектах узнік пажар. Выбух адбыўся на нафтавым аб’екце ў Керэджы, паведамляе news.by.
Ракета трапіла ў жылы комплекс на ўсходзе іранскай сталіцы — некалькі будынкаў разбураны амаль поўнасцю. Быў атакаваны Корпус вартавых ісламскай рэвалюцыі. Акрамя таго, Ізраіль наносіў удары па Емене, з тэрыторыі якога, паводле звестак ЦАХАЛ, ажыццяўляецца запуск ракет па тэрыторыі яўрэйскай дзяржавы.
Паводле неафіцыйных звестак, атака вялася па вярхах руху хусітаў «Ансарулах». Іран у сваю чаргу абрынуў на Ізраіль тры хвалі балістычных ракет і беспілотнікаў. Былі атакаваны месцы вытворчасці паліва для ізраільскіх знішчальнікаў. У горадзе Хайфа, папярэдне, пацярпеў нафтаперапрацоўчы завод. Паведамляецца, што Іран ужыў гіпергукавую ракету.
Пацярпеў порт у горадзе Эйлат. Сярод гарадоў, якія падвергліся ўдарам, Тэль-Авіў, Рэхават, Ашдод і Бат-Ям. Разбураны жылыя кварталы, атрымаў пашкоджанні Інстытут імя Вейцмана ў Рахавоце. Папярэдне, у Ізраілі загінулі 11 чалавек, больш за 300 атрымалі раненні.
Фота з адкрытых крыніц
