Прэзідэнт Беларусі Аляксандр Лукашэнка ў ходзе рабочай паездкі ў Гродзенскую вобласць нагадаў аб задачы захаваць у таварным выглядзе ўраджай агародніны і фруктаў, каб рэалізаваць іх у міжсезонне, паведамляе БелТА.
Найперш кіраўнік дзяржавы пацікавіўся ў старшыні Гродзенскага аблвыканкама Юрыя Караева, як сітуацыя ў рэгіёне з ураджаем бульбы.
«Менш, чым ва ўсе гады, але свае патрэбнасці мы закрываем», — сказаў Юрый Караеў.
Ён таксама запэўніў, што ёсць і дадатковыя аб’ёмы для паставак, напрыклад, у Мінск: «Мінску таксама мы даем. На 90% дамовы заключаны ўжо, вызначана, хто захоўвае, хто будзе браць».
«Глядзі, каб у нас не было праблем з агароднінай і бульбай», — папярэдзіў Аляксандр Лукашэнка.
Кіраўнік рэгіёну ў сувязі з гэтым далажыў, што Гродзенская вобласць таксама гатова падзяліцца ўраджаем яблыкаў. «Калі ёсць лішні яблык — аддай, — сказаў на гэта Прэзідэнт. — Падыдзі з дзяржаўных пазіцый, а не толькі з пазіцый вобласці».
«Галоўнае, каб у цябе былі ачышчаны ўсе сховішчы і падрыхтаваны для таго, каб пакласці гародніну, фрукты, бульбу. Гэта па-ваеннаму трэба рабіць», — даручыў беларускі лідар.
