Дзяніс Більман расказаў, што дзве генеральныя трэніроўкі парада 9 Мая ў Мінску пройдуць 2 і 6 мая з 22.00.

«Заўсёды гэта выклікае ажыятаж у жыхароў Мінска і гасцей сталіцы. Там няма ніякіх сур’ёзных ачапленняў, можна падысці практычна на адлегласць, груба кажучы, выцягнутай рукі і цалкам паглядзець на рытуал ваеннага парада. Зразумела, што гэта трэніроўка, але зноў жа, пабыць побач з параднымі разлікамі, з механізаванай калонай, будзе даступна для жадаючых 2 і 6 мая з 22.00. Пачатак трэніроўкі — на скрыжаванні праспекта Пераможцаў і праспекта Машэрава», — анансаваў ён.

Усяго ў парадзе прымуць удзел больш за 4 тыс. чалавек ад усіх вайсковых ведамстваў і структур Беларусі. Будзе прадстаўлена больш за 220 адзінак рознай баявой тэхнікі і больш за 30 адзінак авіяцыйнай. Яшчэ больш за 1 тыс. чалавек будзе задзейнічана менавіта ў забеспячэнні самога ваеннага парада. Гэта і пытанні рэгулявання, і забеспячэння бяспекі дарожнага руху, і арганізацыя сувязі, і медыцынскае забеспячэнне, і матэрыяльна-тэхнічнае забеспячэнне. Вельмі шмат людзей і вялізныя сілы трацяцца на тое, каб ваенны парад прайшоў без сучка, без задзірынкі, каб дарыць толькі радасць гледачам і гасцям нашай сталіцы", — падкрэсліў Дзяніс Більман.