«У нашай краіне дзяржаўная палітыка накіравана на ўмацаванне здароўя насельніцтва і забеспячэнне харчовай бяспекі. 38 Кодэкса аб адукацыі, забеспячэнне харчавання — адна з мер сацыяльнай абароны навучэнцаў, а арганізацыя харчавання навучэнцаў ва ўстановах адукацыі ажыццяўляецца згодна з арт. 40 кодэкса ў адпаведнасці з нарматыўна-прававымі асновамі. Гэта значыць, у нашай краіне маюцца арганізацыйна-прававыя асновы забеспячэння арганізацыі харчавання як ва ўстановах адукацыі, так і ва ўстановах аховы здароўя, — патлумачыла Ірына Савановіч. — Аднак арганізацыя харчавання дзіцяці дома з’яўляецца адказнасцю сям’і, бацькоў. Традыцыйна ў сем’ях звяртаецца вялікая ўвага на харчаванне дзяцей першага года жыцця, а пры пераводзе дзяцей, старэйшых за год, на агульны стол не заўсёды ўлічваюцца іх марфафункцыянальныя асаблівасці. У перыяд з года да трох закладваюцца асновы харчовых паводзінаў дзіцяці, таму ў фарміраванні здаровага ладу жыцця, харчовых навыкаў, харчовых паводзінаў дзіцяці вельмі вялікая роля належыць сям’і. Неадэкватны рацыён, дысбаланс харчавання прыводзяць да закладкі няправільных харчовых звычак і, як вынік, доўгатэрміновых парушэнняў харчовага статусу — РХП».

Прафілактыка аліментарна-залежных захворванняў — гэта здаровае харчаванне. «Арганізацыя здаровага харчавання — гэта, напэўна, самае складанае. Можна гэта зрабіць адзін раз, другі, трэці, але калі неабходна за гэтым сачыць штодня, то ў нашым рытме жыцця гэта забяспечыць складаней за ўсё. Для гэтага трэба планаваць пакупкі прадуктаў, а пры паходзе ў краму выконваць простае правіла — не ісці галодным. Загадзя думайце, што прыгатуеце з гэтых прадуктаў, і пачынайце з хуткапсавальных. Часцей гатуйце дома, разам са сваімі дзецьмі, сачыце за памерамі порцыі, вучыце дзяцей і вучыцеся самі абмяжоўваць ўжыванне солі і цукру. Піце дастатковую колькасць вадкасці і ешце больш клятчаткі, абмяжуйце спажыванне транстлушчаў і алкаголю. А для дзяцей гэта наогул пад забаронай», — нагадала спецыяліст.

«Выкананне гэтых простых правілаў дазволіць пазбегнуць цэлага шэрагу вострых інфекцыйных захворванняў, так званых харчовых токсікаінфекцый, І будзе з’яўляцца ўкладам у доўгатэрміновы нутрыцыйны статус вашага дзіцяці», — рэзюмавала Ірына Савановіч