Беларуска Аліна Гарнасько стала пераможцай клубнага чэмпіянату Іспаніі па мастацкай гімнастыцы, паведамляе БелТА са спасылкай на прэс-службу Беларускай асацыяцыі гімнастыкі.
Медалістка Алімпійскіх гульняў Гарнасько прыняла ўдзел у турніры ў складзе клуба «Рытма», фінал чэмпіянату прайшоў у Сантандэры. Аліна выступіла ў практыкаваннях з мячом і булавамі і ўнесла важкі ўклад у выніковы поспех, набраўшы больш за 30 балаў у абодвух відах праграмы. Каманда «Рытма» атрымала пераканаўчую перамогу ў агульным заліку, апярэдзіўшы найбліжэйшых праследавацельніц больш як на 8 ачкоў.
Раней у гэтым сезоне Аліна Гарнасько заваявала золата клубнага чэмпіянату Францыі. Акрамя таго, на іспанскі дыван выходзіла наша Дар’я Ткачова, якая ў складзе клуба «Альмара Буржасо» заняла 5-е месца.
Фота: БелТА
