Сёння ў трэцім паядынку серыі за залатыя медалі жаночага першынства падапечныя Канстанціна Шараварава ў Маладзечне атрымалі трэцюю вікторыю над гандбалісткамі «Гомеля» — 23:21. Да гэтага дзеючыя чэмпіёнкі ў сябе дома выйгралі з мінімальнай перавагай-26:25, а затым у Гомелі перамаглі з перавагай у два мячы — 21: 19.

У бронзавай серыі гандбалісткі «Гараднічанкі» атрымалі дзве вікторыі над Брэсцкім клубам «Бярэсце» — 23:22 (дома) і 25:20 (у гасцях). Сёння саперніцы сустракаюцца ў Гродне.

Учора ў трэцім матчы залатой серыі мужчынскага чэмпіянату краіны «Мяшкоў Брэст» разграміў на сваёй арэне гандбалістаў мінскага СКА з розніцай у 11 мячоў — 31:20 і цяпер вядзе ў серыі з лікам 2:1. У выпадку перамогі 28 траўня ў Мінску брэстчане 1-ы раз стануць чэмпіёнамі краіны. У барацьбе за бронзавыя ўзнагароды МОГК таксама выйграе ў «Машэкі» з Магілёва 2:1 і 28 мая ў Дзяржынску можа ўпершыню заваяваць медалі нацыянальнага першынства.

Усе медальныя серыі праходзяць да трох перамог.