Галалёдзіца і парывісты вецер чакаюцца ў Беларусі 25 студзеня. Аб гэтым паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У нядзелю ў Беларусі будзе воблачна з праясненнямі. Месцамі, а днём па захадзе ў многіх раёнах пройдзе снег. Дзе-нідзе — слабы галалёд. На асобных участках дарог галалёдзіца. Вецер усходні, паўднёва-ўсходні ўмераны, месцамі парывісты.
Тэмпература паветра ноччу складзе ад мінус 15 да мінус 21, пры праясненнях — да 24 градусаў марозу, у паўднёва-заходніх раёнах будзе 10-14 градусаў ніжэй за нуль. Днём — ад мінус 5 па паўднёвым захадзе да мінус 15 па поўначы.
