Кіраўнік міністэрства звярнуў увагу, што работа ў Мінфіне для яго добра знаёмая, але на некалькі іншым узроўні. А зараз неабходна будзе займацца не столькі канкрэтнымі пытаннямі па асобных кірунках, колькі больш агульнымі, канцэптуальнымі.

«Першая задача, якая пастаўлена кіраўніком дзяржавы, — арганізаваць работу калектыву з пункту гледжання захавання аднолькавых падыходаў па фарміраванні і выкананні бюджэту. Усё роўна, на якім узроўні — рэспубліканскім, абласным, базавым. Пастаўлена задача рыхтаваць калектыў да такой пастаяннай, штодзённай работы па падтрыманні фінансавай стабільнасці ў краіне», — сказаў Уладзіслаў Татарыновіч.

«Другая, не менш важная задача — забеспячэнне эфектыўнага і, самае галоўнае, абгрунтаванага расходавання бюджэтных сродкаў», — працягнуў ён.