Фермерская гаспадарка з лістапада 2024 года па май 2025-га прадавала па дагаворах, заключаных па выніках праведзеных працэдур дзяржаўных закупак, і таварна-транспартных накладных цыбулю, бульбу, свежую белакачанную капусту, моркву, буракі па адпускных цэнах, якія перавышаюць гранічныя максімальныя адпускныя цэны, названыя ў пастанове Савета Міністраў.

Суд прыйшоў да высновы аб здзяйсненні фермерскай гаспадаркай адміністрацыйнага правапарушэння па ч. 2 арт. 13.2 КаАП. «Прызначана спагнанне ў выглядзе штрафу ў двухразовым памеры розніцы паміж фактычнай выручкай, атрыманай ад рэалізацыі тавараў, і разліковай велічынёй выручкі ад рэалізацыі гэтых тавараў па цэнах, устаноўленых у адпаведнасці з заканадаўствам. Сума складае каля Br52,2 тыс.», — праінфармавалі ў прэс-службе эканамічнага суда Брэсцкай вобласці.

Пастанова суда не ўступіла ў законную сілу і можа быць абскарджана.