Як паведамлялася БелТА, тэматыку 2026 года Аляксандр Лукашэнка агучыў у навагоднім звароце: «Мы ўшаноўваем нашых маці, жонак і дачок адзін дзень у годзе. Надышоў час аддаць належнае іх асаблівай ролі ў нашым жыцці і абвясціць 2026-ы Годам беларускай жанчыны. Нічога больш дасканалага, чым яна, прыродай не створана! Будзем берагчы нашу жанчыну і сваю зямлю, абараняць сваю будучыню — сям’ю, родных, блізкіх і сяброў ад бед і нягод».

Папярэднічаючы заяве беларускага лідара, але не раскрываючы інтрыгу, Наталля Эйсмант у вячэрнім эфіры 31 снежня расказала, што першапачаткова варыянтаў было шмат. Некаторыя з іх былі адкладзеныя, некаторыя адхіленыя. 

«Тэматыка будучага года, я абсалютна ўпэўненая, трапіць ва ўсіх, зойдзе ўсім і зачэпіць. Гэта дакладна, — упэўненая прэс-сакратар. — Гэта будзе зусім асаблівы год. Гэта была асабістая ідэя і прапанова Прэзідэнта».