Электробусы маршрутаў № 1, 50С па тэхнічных прычынах ідуць з парушэннем графіка да 40 хвілін. Пра гэта паведамілі БелТА ў «Мінсктрансе».
Акрамя таго, з 6.36 у сувязі з прарывам трубаправода на вул. Акадэміка Карскага рух тралейбуснага маршруту № 18 арганізаваны з разваротам на вул. Акадэміка Карскага за прыпыначным пунктам «Мікрараён Сухарава-2».
Таксама ў сувязі з адменай работы выставы ў Міжнародным выставачным цэнтры BELEXPO толькі 20 студзеня работа аўтобусных маршрутаў № 912э, 962э прыпынена.
