Паводле даследавання Bank of America Institute, у бліжэйшыя 10 гадоў пакаленне Z (людзі, якія нарадзіліся прыкладна з 1997 па 2012 гады) стане новай эканамічнай сілай у свеце. Пра гэта паведамляецца на сайце даследчага падраздзялення амерыканскага фінансавага кангламерату Bank of America, перадае БелТА.
Зумеры, як мяркуюць эксперты, будуць складаць 30 % насельніцтва свету, а іх сукупны даход рэзка вырасце: ужо да 2030 года ён дасягне $36 трлн. Такія паказчыкі дазволяць зумерам абысці па ўзроўні багацця пакаленні міленіялаў і бумераў.
Эксперты звязваюць такі прагноз з некалькімі важнымі фактарамі. Сярод іх — павышэнне заробкаў па меры сталення і прафесійнага росту, а таксама значная перадача актываў ад старэйшых пакаленняў.
