— На нарадзе па пытаннях развіцця беларуска-кітайскага супрацоўніцтва Прэзідэнт нашай краіны Аляксандр Лукашэнка сказаў літаральна наступнае: «Рашэнне аб выбудоўванні з Кітаем стратэгічных адносін самага высокага ўзроўню перагляду не падлягае. Наадварот, мы будзем інвеставаць рэсурсы, час, увагу ва ўмацаванне нашага супрацоўніцтва. Для гэтага ёсць усе рэзервы. Кітай — гэта сур’ёзна і надоўга. З Кітаем мы будзем супрацоўнічаць заўсёды, колькі будзе існаваць наша краіна як самастойная і незалежная дзяржава. Я ўпэўнены, што мы будзем незалежнымі і суверэннымі таксама заўсёды», — нагадаў парламентарый. 

Ён падкрэсліў, што ўсепагоднае супрацоўніцтва з Паднябеснай у эканамічнай і палітычнай сферы выгадна не толькі беларускаму, але і кітайскаму боку: 

— Мы з’яўляемся надзейным саюзнікам у пытаннях развіцця рэгіянальнай стабільнасці, у парламенцкай, гуманітарнай, абароннай і ваенна-тэхнічнай галінах, у забеспячэнні транспартнай лагістыкі ў рамках рэалізацыі праекта «Адзін пояс — адзін шлях», а таксама ўлічваем кітайскія геапалітычныя і стратэгічныя інтарэсы ў сістэме міжнародных адносін. 

Намеснік старшыні профільнай камісіі таксама адзначыў той факт, што на ўсіх міжнародных пляцоўках бакі падтрымліваюць адзін аднаго і выступаюць адзіным фронтам у пытаннях прыняцця рашэнняў, якія адпавядаюць чаканням двух народаў: 

— Беларусь на практыцы даказала прыхільнасць узятым міжнародным абавязацельствам і заўсёды сінхранізуе ўласныя нацыянальныя інтарэсы з інтарэсамі сваіх саюзнікаў. 

Парламентарый падкрэсліў:

— Асаблівую значнасць набывае прывабнасць нашай краіны з пункту гледжання грамадскай бяспекі, падтрымання высокага ўзроўню грамадзянскай згоды, міжнацыянальнага міру і міжканфесійнай гармоніі. У Беларусі няма ксенафобіі, расавай дыскрымінацыі, і гэта разумеюць і цэняць нашы кітайскія партнёры. Доказам таму служыць рост цікавасці да супрацоўніцтва ў гуманітарнай сферы.

У якасці прыкладу Алег Дзячэнка прывёў высокі попыт беларускай вышэйшай адукацыі ў кітайцаў, пра што наглядна сведчыць колькасць студэнтаў з Паднябеснай ва ўстановах вышэйшай адукацыі Беларусі:

— Сёння іх больш за 30 % ад агульнай колькасці замежных студэнтаў. Але нам трэба няўхільна павышаць прывабнасць нашых адукацыйных прадуктаў і паказваць кітайцам іх неабходнасць. Экспарт адукацыйных паслуг дае нашым універсітэтам унікальную магчымасць прыцягнуць дадатковыя фінансавыя сродкі ва ўмацаванне матэрыяльна-тэхнічнай базы і зрабіць больш камфортнымі ўмовы навучання беларускіх студэнтаў. 

Такім чынам, робіць выснову парламентарый, абапіраючыся на дасягнутае, Беларусь і Кітай пад кіраўніцтвам сваіх нацыянальных лідараў Аляксандра Лукашэнкі і Сі Цзіньпіна ўпэўнена робяць крокі наперад, у мірную і бяспечную будучыню, пашыраючы і паглыбляючы супрацоўніцтва ў эканоміцы і палітыцы, агульнымі намаганнямі процідзейнічаючы агрэсіўным намерам недружалюбных краін навязаць сваю палітычную волю ва ўмовах пабудовы шматпалярнага свету.