Сфера турызму ў гэтым годзе зведала вялікія змены. «Турыстычныя патокі ў Мінск растуць. Арыентуемся на паспяховы 2019 год, але ўжо перасягнулі гэты бар’ер. Даныя папярэднія, афіцыйная статыстыка будзе ў пачатку сакавіка, але загрузка гасцініц ужо прагназуецца на ўзроўні больш за 60 %, тэмп экспарту турыстычных паслуг — звыш 145 % да 2024 года. У Мінску сфарміравана сучасная інфраструктура гасціннасці для індывідуальных турыстаў, груп, удзельнікаў форумаў і спаборніцтваў», — расказала Дар’я Шыбека.

У 2025 годзе ў сталіцы з’явіліся два аб’екты: у Лошыцкім сядзібна-паркавым комплексе завершана рэканструкцыя гістарычных будынкаў, адзін з іх — гасцініца на 13 нумароў. У цэнтры адкрыўся пяцізоркавы гатэль Waldorf Astoria з 155 нумарамі, рэстаранам, спа, паркінгам. У Мінску 59 гасцініц і 19 аналагічных сродкаў размяшчэння на 13 тыс. месцаў, плюс тысячы індывідуальных. Сертыфікавана 33 гасцініцы — гэта знак якасці, дадала яна.