Аб’ём экспарту Шанхая ў студзені-красавіку вырас на 13,8 працэнта ў гадавым вылічэнні, а агульны знешнегандлёвы абарот у вартасным выражэнні ў красавіку дасягнуў рэкордна высокага ўзроўню. Аб гэтым сведчаць даныя Мытнага ўпраўлення горада Шанхай, перадае «Сіньхуа».

Агульны аб’ём знешняга гандлю горада за чатыры месяцы склаў 1,4 трлн. юаняў. У адным толькі красавіку аб’ём імпарту і экспарту дасягнуў каля 400 млрд. юаняў, павялічыўшыся больш чым на 10 працэнтаў як у гадавым, так і ў месячным вылічэнні. Ключавым драйверам росту сталі прыватныя прадпрыемствы, на долю якіх прыпала больш за 70 працэнтаў ад агульнай колькасці знешнегандлёвых кампаній. Аб’ём іх імпарту і экспарту перавысіў 500 млрд. юаняў, павялічыўшыся больш чым на 20 працэнтаў у гадавым вылічэнні, што сведчыць аб змацненні ўнутранага імпульсу росту.

На працягу гэтага перыяду Шанхай гандляваў з больш як 200 краінамі і рэгіёнамі свету. Тавараабарот з краінамі-ўдзельніцамі ініцыятывы «Пояс і Шлях» дасягнуў амаль 600 млрд. юаняў, павялічыўшыся на 11,9 працэнта ў гадавым вылічэнні. Экспарт машынабудаўнічай і электратэхнічнай прадукцыі склаў 398,8 млрд. юаняў, што перавышае 60 працэнтаў ад агульнага аб’ёму адпаведных паставак горада за гэты перыяд. Увоз мяса і алею вырас больш чым на 10 працэнтаў у гадавым вылічэнні.