«На пасяджэнні ў вузкім фармаце адбыўся зацікаўлены абмен думкамі па актуальных пытаннях эканамічнага развіцця. Быў разгледжаны праект дэкларацыі аб супрацоўніцтве ў забеспячэнні рэгіянальнай энергетычнай бяспекі і прынята адпаведнае рашэнне», — сказаў на пасяджэнні ў пашыраным складзе генеральны сакратар СНД Сяргей Лебедзеў.

Праект дэкларацыі плануецца прадставіць на разгляд Савета кіраўнікоў дзяржаў СНД.

Шэраг дакументаў, адобраных Эканамсаветам СНД, у далейшым будуць пададзены на зацвярджэнне Савета кіраўнікоў урадаў СНД. У іх ліку — праект плана мерапрыемстваў па рэалізацыі другога этапу (2026–2030 гады) рамачнай праграмы супрацоўніцтва дзяржаў — удзельніц СНД у галіне выкарыстання атамнай энергіі ў мірных мэтах; праекты канцэпцыі цэнаўтварэння ў будаўнічай дзейнасці дзяржаў — удзельніц СНД і плана асноўных мерапрыемстваў па яе рэалізацыі; праект асноўных кірункаў супрацоўніцтва дзяржаў — удзельніц СНД у галіне лясной гаспадаркі і лясной прамысловасці на перыяд да 2035 года.

На зацвярджэнне Савета кіраўнікоў урадаў СНД будзе вынесены праект пагаднення аб супрацоўніцтве дзяржаў — удзельніц СНД па папярэджанні развіцця саранчовых шкоднікаў, а таксама праекты комплексаў сумесных дзеянняў дзяржаў — удзельніц СНД па прафілактыцы і барацьбе з шаленствам, яшчурам, птушыным грыпам і ньюкаслскай хваробай на перыяд да 2030 года.

Акрамя таго, члены Эканамічнага савета СНД разгледзелі інфармацыю аб асноўных мэтавых макраэканамічных паказчыках развіцця эканомікі дзяржаў — удзельніц СНД за 2024 год.

Наступнае пасяджэнне Эканамічнага савета запланавана на 5 верасня ў сталіцы Таджыкістана Душанбэ.

Паводле БелТА

Фота e-cis.info