«Гадавая інфляцыя ў Беларусі ў студзені 2026 года запаволілася да 6,4 % пасля 6,8 % месяцам раней. Тэмпы росту цэн зніжаюцца другі месяц запар. Харчовая інфляцыя запаволілася да 8,6 % да аналагічнага месяца мінулага года (пасля 9 % у снежні), чаму спрыяла далейшае зніжэнне тэмпаў росту цэн на сезонную гародніну і садавіну — да 3,7 % з 4,9 %. Цэны на нехарчовыя тавары выраслі на 2,5 % (пасля 3 % месяцам раней) на фоне ўмацавання абменнага курсу», — адзначылі ў ЕАБР.

У сектары паслуг інфляцыя паскорылася да 8,2 % да аналагічнага месяца мінулага года з 8 % у снежні. Перанос тэрміну планавага павышэння тарыфаў на ЖКП са студзеня на сакавік абмежаваў рост цэн на паслугі. Базавая інфляцыя вярнулася на траекторыю запаволення — да 6,9 % пасля 7,3 %. 

Аналітыкі ЕАБР прагназуюць інфляцыю паблізу абноўленай мэты ў 7 % у 2026 годзе.