«Апошнім часам у Інтэрнэце распаўсюджваецца фэйкавая інфармацыя пра тое, што Дзяржэнерганагляд штрафуе грамадзян за размяшчэнне гірлянд на вокнах. Гэта не адпавядае рэчаіснасці. Тым не менш сёлета тэхнічны кодэкс, які датычыцца Правілаў тэхнічнай эксплуатацыі электраўстановак спажыўцоў, быў дапоўнены. У ім з’явіўся новы раздзел «Электраўстаноўкі грамадзян, якія выкарыстоўваюць электраэнергію для бытавога спажывання», — сказаў Аляксандр Гулевіч.

Паводле яго слоў, калі інспектар Дзяржэнерганагляду пры правядзенні адраснай праверкі домаўладання грамадзян выявіць нейкія парушэнні, што могуць ствараць пагрозу жыццю і здароўю, напрыклад, адкрытыя і вядучыя часткі, якія знаходзяцца пад напружаннем, а грамадзянін адмовіцца ўстараняць гэта парушэнне, тады ёсць верагоднасць прыцягнення гэтага грамадзяніна да адміністрацыйнай адказнасці.