Сустрэчу з Прэзідэнтам Беларусі прадстаўнік прэзідэнта ЗША ахарактарызаваў як надзвычай прадуктыўную. «Сапраўды гэтак жа, як і мая нядаўняя сустрэча на днях з прэзідэнтам ЗША Трампам. Мы абмяркоўвалі гэтую паездку, наш візіт, магчымасць сустрэчы з Прэзідэнтам Беларусі, — сказаў ён. — Мэта нашага ўзаемадзеяння — гэта нармалізацыя двухбаковых адносін паміж Рэспублікай Беларусь і ЗША. Адна з галоўных мэтаў — зрабіць усё, каб эканамічнае, палітычнае ўзаемадзеянне паміж нашымі краінамі пашыралася і мацнела».

Джон Коўл задаволены вынікамі сустрэчы з Аляксандрам Лукашэнкам і ўпэўнены, што аналагічна імі будзе задаволены і прэзідэнт Трамп, пасля таго як яму будзе даложана аб выніках. 

«Прэзідэнты Беларусі і ЗША — гэта такія лідары, якія робяць усё для таго, каб нармалізаваць нашы адносіны і канцэнтравацца пры гэтым не на адрозненнях, а на агульных момантах», — заявіў Джон Коўл.