Саветам Міністраў рэалізаваны патрабаванні заканадаўства па пытаннях дзейнасці органаў і падраздзяленняў па надзвычайных сітуацыях. Адпаведную пастанову падпісаў Прэм’ер-міністр Аляксандр Турчын, паведамляе БелТА.
Пастановай зацверджаны палажэнні аб парадку ажыццяўлення дзяржаўнага пажарнага нагляду пры эксплуатацыі аб’ектаў па вытворчасці, захоўванні і ўтылізацыі выбуховых матэрыялаў і вырабаў, якія іх змяшчаюць; вывучэння стану гатоўнасці рэспубліканскіх органаў дзяржаўнага кіравання, іншых арганізацый, падпарадкаваных Савету Міністраў, мясцовых выканаўчых і распарадчых органаў да выканання задач у галіне аховы насельніцтва і тэрыторый ад надзвычайных сітуацый і грамадзянскай абароны.
Акрамя таго, выкладзена ў новай рэдакцыі палажэнне аб парадку правядзення органамі дзяржаўнага пажарнага нагляду праверак дзяржаўных органаў, падпарадкаваных (падсправаздачных) Прэзідэнту, рэспубліканскіх органаў дзяржаўнага кіравання і іншых дзяржаўных арганізацый, падпарадкаваных Савету Міністраў, мясцовых саветаў дэпутатаў, выканаўчых і распарадчых органаў.
Названыя ў палажэннях падыходы па правядзенні праверак адпавядаюць падыходам, выкладзеным ва ўказе кіраўніка дзяржавы ад 6 чэрвеня 2025 года № 227 «Аб павышэнні эфектыўнасці кантрольнай (нагляднай) дзейнасці».
Акрамя таго, у пастанове Савета Міністраў ад 20 лістапада 2019 года № 779 канкрэтызуюцца патрабаванні пажарнай бяспекі па захоўванні, эксплуатацыі сельскагаспадарчай і іншай дапаможнай тэхнікі, пры складзіраванні грубых кармоў і абароне скірд. Устанаўліваюцца патрабаванні па забароне курэння і развядзення вогнішчаў у месцах уборкі збожжавых, участках сціртавання сена і саломы. Прадугледжваецца ўскладанне адказнасці за забеспячэнне пажарнай бяспекі на аб’ектах будаўніцтва, у частцы арганізацыі будаўнічай вытворчасці, на юрыдычную асобу (яе службовых асоб і работнікаў), якая з’яўляецца забудоўшчыкам, генеральным падрадчыкам, а ў аб’ёме работ, устаноўленых дагаворам будаўнічага падраду, на падрадчыка або субпадрадчыка (іх службовых асоб і работнікаў). Таксама канкрэтызуюцца патрабаванні пажарнай бяспекі пры вытворчасці будаўніча-мантажных работ. Прадугледжваецца вызначэнне патрабаванняў да абсталявання спраўнымі аўтаномнымі пажарнымі апавяшчальнікамі адміністрацыйна-бытавых памяшканняў, размешчаных на аб’ектах будаўніцтва і ў мабільных (інвентарных) будынках і збудаваннях на будаўнічай пляцоўцы.
У пастанове Савета Міністраў ад 31 жніўня 2020 года № 516 «Аб сістэме супрацьпажарнага нарміравання і стандартызацыі» дапоўнены пералік нарматыўных прававых актаў, у тым ліку тэхнічных, якія абавязковыя да захавання суб’ектамі гаспадарання для забеспячэння пажарнай бяспекі.
