Трагедыя адбылася днём 21 жніўня. 9-гадовы хлопчык запрасіў дадому двух сяброў, разам размаўлялі, глядзелі тэлевізар. «Праз час хлопчык адчыніў акно ў сваім пакоі і сеў на падаконнік, звесіўшы ногі на вуліцу. Пры спробе павярнуцца, хлопчык не ўтрымаўся і выпаў з акна трэцяга паверха. Яго сябры выклікалі хуткую дапамогу. Цяпер хлопчык знаходзіцца ў рэанімацыі», — растлумачылі ў СК. 

Следча-аператыўная група працавала на месцы здарэння. Следчыя высветлілі, што дзеці знаходзіліся ў пакоі без нагляду дарослых.

Усе абставіны здарэння будуць устаноўлены Гомельскім гарадскім аддзелам СК, таксама асаблівая ўвага будзе ўдзелена прычынам і ўмовам, якія спрыялі траўміраванню дзіцяці.

Следчы камітэт заклікае бацькоў рэгулярна нагадваць дзецям аб правілах бяспечных паводзін. «Давайце дзецям дакладныя інструкцыі па знаходжанні паблізу адчыненых вокнаў, каля пліты, электрашчытавых і іншых патэнцыяльна небяспечных прадметаў. Бяспека дзяцей — гэта перш за ўсё адказнасць бацькоў. Рэгулярныя напаміны дапамогуць дзецям сфарміраваць правільныя навыкі і пазбегнуць трагедыі», — нагадалі ў СК.