Дзе чакаць снегу 5 сакавіка, расказалі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
5 сакавіка ў Беларусі будзе пераменная воблачнасць і пераважна без ападкаў, толькі месцамі па ўсходзе краіны пройдуць невялікія ападкі (снег, мокры снег, днём з дажджом). У начны і ранішні час месцамі будзе слабы галалёд, на дарогах галалёдзіца. Вецер заходні, паўночна-заходні 5-10 м/с, парывы да 14 м/с, днём у асобных раёнах 15-18 м/с.
Тэмпература паветра ноччу складзе мінус 5 градусаў — плюс 1 градус, днём — ад 1 градуса цяпла па паўночным усходзе да плюс 10 градусаў па захадзе.
