У Беларусі днём 22 жніўня па паўднёвым усходзе краіны тэмпература паветра складзе 35-36 градусаў цяпла, месцамі — плюс 30-34 градусы. Аб’яўлены чырвоны ўзровень небяспекі, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У суботу будзе воблачна з праясненнямі. На большай частцы тэрыторыі краіны пройдуць кароткачасовыя дажджы, навальніцы. Вецер прагназуецца паўднёвы, днём з пераходам на заходні 5-10 м/с, ноччу з парывамі да 14 м/с, пры навальніцах месцамі шквалістае ўзмацненне ветру з парывамі 15-20 м/с, днём парывы 15-20 м/с, па паўночным захадзе 21-24 м/с, у асобных раёнах 25-27 м/с. Аб’яўлены аранжавы ўзровень небяспекі.
Тэмпература паветра ноччу складзе 13-19 градусаў цяпла, месцамі па паўночным усходзе — плюс 10-12 градусаў. Днём будзе ад плюс 19 градусаў па паўночным захадзе да плюс 36 градусаў па паўднёвым усходзе.
