У Авальнай зале Дома ўрада, дзе сёння праходзіць маштабны рэспубліканскі форум «Жанчына і будучыня вёскі», сабраліся тыя, хто імкнецца зрабіць жыццё ў вёсцы больш яркім, цікавым і камфортным, заявіў Старшыня Палаты прадстаўнікоў Ігар Сергяенка падчас адкрыцця форуму, паведамляе БелТА.
«Гэта не проста сустрэча. Гэта дыялог аб будучыні, аб захаванні сэрца нашай краіны — сельскіх тэрыторый», — адзначыў спікер.
Ігар Сергяенка звярнуў увагу на тое, што ў кожнай удзельніцы форуму — сваё цікавае жыццё, сямейная гісторыя, унікальны вопыт. Некаторыя змянілі гарадскую мітусню на вясковую прапіску. Прыехалі і шматдзетныя маці. Многія ўдзельніцы адзначаны дзяржаўнымі і ведамаснымі ўзнагародамі.
«Нягледзячы на тое, што вы прадстаўляеце розныя сферы, вас аб’ядноўвае адно — любоў да нашай краіны і сваёй малой радзімы і імкненне зрабіць жыццё ў вёсцы больш яркім, цікавым, камфортным», — адзначыў Старшыня Палаты прадстаўнікоў.
