Указ Прэзідэнта Беларусі ад 20 жніўня 2026 года № 278 «Аб стымуляванні ўдзелу ў міжнародных спецыялізаваных выстаўках (кірмашах)» уносіць змяненні ва ўказ ад 14 лістапада 2019 года № 412. Яны накіраваны на тое, каб стымуляваць беларускія кампаніі больш актыўна выходзіць на замежныя рынкі і нарошчваць несыравінны экспарт.

Змяненні датычацца механізма пакрыцця часткі расходаў на ўдзел у міжнародных выстаўках.

Гранічны памер пакрыцця расходаў на ўдзел у замежных выставачных мерапрыемствах павялічаны з 250 да 500 базавых велічынь (да 22,5 тыс. рублёў). «Гэта дасць магчымасць кампенсаваць значныя затраты суб’ектаў гаспадарання, у тым ліку звязаныя з транспартнымі расходамі і арэндай выставачных плошчаў», — адзначылі ў БелГПП.

Акрамя таго, цяпер можна атрымаць кампенсацыю да двух разоў на працягу каляндарнага года пры ўмове ўдзелу ў выстаўках у розных краінах. Раней такая падтрымка давалася аднаразова. Гэта мера накіравана на заахвочванне дыверсіфікацыі геаграфіі экспартных паставак, у першую чаргу на рынкі краін далёкай дугі.

«БелГПП як ключавая арганізацыя па развіцці знешнеэканамічнай дзейнасці заклікае прадпрыемствы актыўна карыстацца абноўленай падтрымкай і гатова дапамагаць у арганізацыі ўдзелу ў замежных выстаўках», — дадалі ў палаце.