«Рашэнне плацежнай сістэмы Visa з’яўляецца тыповым прыкладам феномену overcompliance, або празмернага прымянення санкцый. Прадаўжаем настойваць на незаконнасці абмежавальных мер, не зацверджаных Саветам Бяспекі ААН. Але нават калі не ўлічваць гэты аспект, то санкцыі ЕС сёння — гэта абсалютна заблытаны непразрысты інструмент, што прымяняецца не толькі супраць Беларусі, але і ў дачыненні да дзясяткаў краін, у якім ужо не разбіраюцца нават самі еўрапейскія чыноўнікі», — падкрэсліў беларускі дыпламат.

Сяргей Панасюк адзначыў, што празмернае прымяненне санкцый выклікае асаблівую заклапочанасць, паколькі на практыцы не працуюць, у прыватнасці, гуманітарныя выключэнні. Такім чынам санкцыі становяцца проста негуманным нявыбарачным карным інструментам Бруселя ў дачыненні да непажаданых краін.

«У выніку гэтыя незаконныя меры б’юць па простых грамадзянах, парушаючы іх элементарныя правы і не толькі на выкарыстанне банкаўскіх картак, але і на такія базавыя рэчы як права на працу, свабоду перамяшчэння, забеспячэнне прадуктамі харчавання і лякарствамі, аказанне медыцынскай дапамогі, а ў некаторых абуральных зафіксаваных выпадках — права на жыццё», — заявіў часовы павераны.