Прыпіскі ў статсправаздачнасці выяўлены падчас сумеснай праверкі гаспадарак, праведзенай спецыялістамі Крычаўскага міжраённага КДК і органаў фінансавых расследаванняў. Так, у сельгасарганізацыі Касцюковіцкага раёна было ўстаноўлена, што загадчыца малочнатаварнага комплексу не паказала ў сваёй справаздачы падзеж 11 галоў маладняку буйной рагатай жывёлы. Пры гэтым на момант праверкі чатыры галавы ўжо былі ёю «адноўлены» за кошт народжаных цялят.

У адным выпадку кіраўнік сельгасарганізацыі Крычаўскага раёна прыпісаў у справаздачнасці плошчу пасеянай азімай пшаніцы, павялічыўшы на паперы вынікі праведзенай работы больш чым на 170 га.

У дачыненні да службовых асоб сельгаспрадпрыемстваў распачатыя крымінальныя справы.