Уначы 6 ліпеня ратавальнікам паступіла паведамленне аб дарожна-транспартным здарэнні з удзелам легкавога аўтамабіля, які сутыкнуўся з ласём на дарозе каля аграгарадка Крупіца Мінскага раёна. Пра гэта паведамілі ў МНС.
Паводле інфармацыі ДАІ, на 23 км аўтадарогі Р-23 «Мінск-Мікашэвічы» 33-гадовы вадзіцель Belgee наехаў на лася, пасля чаго аўтамабіль з’ехаў у правы па ходзе руху кювет і ўрэзаўся ў дрэва.
Работнікі МНС дэблакіравалі вадзіцеля, які з траўмамі рознай ступені цяжкасці быў шпіталізаваны. Таксама праводзіліся работы па дэблакіроўцы двух загінуўшых пасажыраў (33 і 71 гады).
На месцы ДТЗ працавалі супрацоўнікі ДАІ, МНС, медыкі, следча-аператыўная група.
