Гэтай ноччу фарм-клуб «Ванкувера» атрымаў перамогу ў шостым паядынку фінальнай серыі Амерыканскай хакейнай лігі (АХЛ) над «Шарлот Чэкерс» з лікам 3:2. Гульцы канадскага клуба завяршылі выніковую серыю з лікам 4:2.

У складзе «Кэнакс» чэмпіёнамі лігі сталі два беларускія хакеісты — галкіпер Мікіта Талапіла і нападаючы Даніла Клімовіч. У вырашальнай гульні Клімовіч змог паразіць вароты саперніка і зраўняць лік у паядынку. Гэты гол стаў чацвёртым для ўраджэнца Пінска ў розыгрышы Кубка Колдара, прычым тры з гэтых шайб былі пераможнымі.

Для Талапіла і Клімовіча гэта першы трафей у паўночнаамерыканскіх лігах на дарослым узроўні.

Гульцы сталі чацвёртым і пятым беларусамі ў гісторыі, якія выйгравалі Кубак Колдара. Раней чэмпіёнамі АХЛ станавіліся Андрэй Касціцын і Міхаіл Грабоўскі ў сезоне 2006/07 у складзе ХК «Гамільтан», а таксама Аляксей Пратас — з «Хершы» ў сезоне 2022/23.

Для «Аботсфард Кэнакс» гэта таксама першы Кубак Колдара ў гісторыі клуба.

Фота з адкрытых крыніц