«У чарзе на ўезд у Еўрасаюз фіксуецца звыш 3,3 тыс. грузавых, 2, 8 тыс. легкавых аўто і 160 аўтобусаў», — гаворыцца ў паведамленні.

Самы загружаны маршрут для фур праходзіць праз польскі пагранічны пераход «Кукурыкі» (сумежны «Казловічы») — у чарзе 1640 адзінак транспарту. За суткі сумежны бок прапусціла 37 % грузавых аўтамабіляў ад нормы.

Менш за ўсё грузавікоў прайшло на сумежную тэрыторыю праз літоўскі пагранічны пераход «Мядзінінкай» («Каменны Лог»), яго кантралюючыя службы аформілі толькі 14 % транспарту ад нормы.

У латвійскім пункце пропуску «Патэрніекі» («Грыгароўшчына») за суткі сумежны бок аформіў 35 % аўто ад нормы. Уезду ў Латвію чакаюць 390 грузавікоў.

Уезду ў Польшчу перад пунктам пропуску «Цярэспаль» («Брэст») чакаюць 2845 легкавых аўто і 165 аўтобусаў. Кантралюючыя службы за суткі прынялі на сваю тэрыторыю 31 % аўтамабіляў ад нормы.