«Кожны форум сапраўды вельмі карысны. І самае галоўнае — маштабам сустрэч. Таму што ў адным месцы, у адным рэгіёне мы можам сустрэцца з губернатарамі розных рэгіёнаў Расійскай Федэрацыі. Літаральна за ўчора мы змаглі правесці сустрэчы з трыма губернатарамі, абмеркаваць тэмы і праграмы на 2025-2026 гады. Гэта Ульянаўская, Пензенская вобласці, вядома ж, Ніжні Ноўгарад. Мы змаглі правесці сустрэчу з мэрам Ніжняга Ноўгарада і з намеснікам губернатара, дзе абмеркавалі план мерапрыемстваў, узгаднілі пэўныя рэчы па пастаўках прадукцыі. Ну і, вядома, яшчэ раз пацвердзілі ўзаемавыгаднае супрацоўніцтва ў пытаннях культуры, адукацыі, — адзначыла Надзея Лазарэвіч.- У нас учора была сустрэча з бізнесам у рамках праграмы БелГПП, і мы таксама пачулі, што бізнес зацікаўлены і з кожным годам актыўней прыязджае на Форум рэгіёнаў для таго, каб паказаць свае магчымасці і падпісаць сумесныя кантракты і мемарандумы».

Паводле яе слоў, Дні Ніжняга Ноўгарада пройдуць у Мінску ў 2026 годзе. Такая дамоўленасць дасягнута на палях Форуму рэгіёнаў. «Гэта будзе летні месяц. Ён больш садзейнічае таму, каб людзі максімальна маглі ўбачыць культуру, паглядзець канцэрты, выстаўкі, вядома ж, спартыўныя спаборніцтвы», — расказала першы намеснік старшыні.