Адбыўся абмен меркаваннямі. Вялікая колькасць пытанняў, якія паступілі ад аўдыторыі, датычылася самых розных тэм. На простых прыкладах было расказана, з чаго фарміруецца бюджэт краіны, колькі дзяржава траціць сродкаў на ахову здароўя, адукацыю, сацыяльную сферу, чаго мы дасягнулі за перыяд незалежнасці і як важна гэта шанаваць.

«Калі чалавек прывыкае да добрага, гэта нармальна, — лічыць намеснік Старшыні Палаты прадстаўнікоў Вадзім ІПАТАЎ. — Але пры гэтым вельмі важна шанаваць усё, што мы маем, што створана папярэднімі пакаленнямі, не страціўшы, а захаваўшы і прымножыўшы дасягнутае».

На сустрэчы з парламентарыямі юнакі і дзяўчаты актыўна ўключыліся ў дыялог, выказаўшы сваё меркаванне аб тым, што перашкаджае моладзі заставацца жыць і працаваць у рэгіёнах.

Іх меркаванне было важна пачуць у ракурсе рэалізацыі прыярытэту Праграмы сацыяльна-эканамічнага развіцця на найбліжэйшую пяцігодку «Моцныя рэгіёны». Студэнтаў цікавілі вынікі VІІ УНС, таксама пыталіся ў дэпутатаў, ці зменіцца ў будучыні роля парламентарыяў з улікам імклівага развіцця штучнага інтэлекту. Хвалявала ўдзельнікаў сустрэчы і пытанне ўтрымання таленавітай моладзі ў роднай краіне.

Напрыканцы маладыя людзі спыталі, што б спікеры пажадалі студэнтам, зыходзячы са свайго студэнцкага досведу. Максімальна выкарыстоўваць усе прадстаўленыя магчымасці, мець зносіны, развіваць камунікацыі і не ленавацца — такія пажаданні маладзёжнай аўдыторыі ад дэпутатаў Палаты прадстаўнікоў.

Паводле прэс-службы Палаты прадстаўнікоў