«Падпісанне мемарандума адкрывае новы этап нашага супрацоўніцтва — на ўзроўні заканадаўчай улады. Гэта карпатлівая, вельмі патрэбная работа, якая дазволіць нам яшчэ больш зблізіць нашы пазіцыі, у тым ліку на міжнароднай арэне, а таксама развіваць нашы сяброўскія адносіны і эканамічныя сувязі», — перакананы старшыня Брэсцкага абласнога Савета дэпутатаў Ігар Брылевіч.

Дэлегацыя Брэсцкай вобласці з 6 па 11 снежня знаходзіцца з візітам у Кітаі. Праграма ўключае сустрэчы, перагаворы, падпісанне кантрактаў і пагадненняў, наведванне вядучых прадпрыемстваў. 

«Сёння сустракаліся з кіраўніцтвам правінцыі Аньхой. Падпісанне мемарандума — яшчэ адзін крок для далейшага развіцця нашых двухбаковых дамоўленасцяў. Акрамя таго, напаўняем сустрэчы бізнес-праектамі, у тым ліку па вытворчасці на тэрыторыі „Брэстмаша“ аўтамабіляў малатанажнай грузападымальнасці. Былі 9 снежня на прадпрыемстве, якое вырабляе бытавую тэхніку. Ёсць дамоўленасці, якія будзем рэалізоўваць у бліжэйшы час», — сказаў намеснік старшыні Брэсцкага аблвыканкама Міхаіл Бацэнка.

Брэсцкая вобласць пабрацімскія адносіны з правінцыяй Аньхой падтрымлівае з 2017 года.