У рэгіёне працягваюць ліквідаваць наступствы непагадзі. Для забеспячэння бяспекі і аператыўнай ачысткі дарог інспектары ДАІ суправаджаюць калоны снегаўборачнай тэхнікі.

У абласной ДАІ рэкамендуюць аўтаўладальнікам не пакідаць транспарт у неўстаноўленых месцах, каб не перашкаджаць эфектыўнай рабоце дарожнай тэхнікі і своечасовай расчыстцы вуліц. Пешаходаў просяць быць асабліва ўважлівымі, бо снегаўборачная тэхніка можа працаваць таксама на тратуарах і ў пешаходных зонах.

ДАІ працягвае маніторынг стану дарожнай сеткі. «Правяраецца якасць прыбірання снегу і апрацоўкі паверхняў процігалалёднымі матэрыяламі на праезнай частцы і пешаходных тэрыторыях», — падкрэслілі ў рэгіянальнай Дзяржаўтаінспекцыі.