8 студзеня ў Мінску чакаюцца моцны снег, завіруха, на дарогах снежныя заносы, узмацненне ветру парывамі 15-20 м/с. З прычыны магчымага ўскладнення дарожнай абстаноўкі, звязанай з пагаршэннем умоў надвор’я, усім удзельнікам дарожнага руху неабходна праяўляць максімальную асцярожнасць.

«Кіроўцам неабходна выконваць хуткасныя абмежаванні, дыстанцыю і неабходны бакавы інтэрвал, а таксама адмовіцца ад рэзкіх манеўраў і тармажэнняў. Памятайце, што зімой тармазны шлях у любым выпадку будзе павялічаны, з прычыны чаго зніжаць хуткасць пры пад’ездзе да пешаходных пераходах неабходна загадзя. Пры гэтым з-за ўскладнення дарожнай абстаноўкі кіроўцам рэкамендуецца ўстрымацца ад кіравання асабістым транспартам і скарыстацца грамадскім», — адзначылі ў ДАІ.

Вельмі важна пры гэтым не пакідаць транспартныя сродкі ў месцах, дзе яны могуць стварыць перашкоду для работы снегаўборачнай тэхнікі.

Пешаходам неабходна быць вельмі ўважлівымі пры перасячэнні праезнай часткі. «Выходзіць на дарогу трэба толькі пасля таго, як усе кіроўцы спыняцца і прапусцяць вас. Памятайце, што калі на пешаходным пераходзе ўстаноўлены святлафор, пачынаць рух дазваляецца толькі пасля ўключэння на ім зялёнага сігналу. Ва ўмовах моцнага снегападу вельмі важна выкарыстоўваць святлоадбівальныя элементы, каб павысіць сваю прыкметнасць для кіроўцаў», — нагадалі ў ДАІ.