Падвышаная ўвага патрабуецца ад кіроўцаў у дварах. З-за любога стаячага аўтамабіля або дрэва можа выбегчы дзіця. Дзяцей трэба вучыць спачатку выглядаць з-за перашкоды, каб упэўніцца ў бяспецы, і толькі потым ісці. Неабходна памятаць, што дзеці малодшай 14 гадоў могуць выкарыстоўваць сродкі персанальнай мабільнасці толькі ў жылых і пешаходных зонах, а на ровары да гэтага ўзросту не могуць з’яўляцца на дарозе без суправаджэння дарослых. Для бяспечнага перасячэння праезнай часткі лепш спешыцца і спакойным крокам пераадолець пешаходны пераход.«Дзіця павінна цвёрда ведаць, што праезная частка — небяспечная зона. Край тратуара — мяжа, якую можна перасякаць толькі пасля пэўнага алгарытму дзеянняў: спынілася, паглядзела па баках, пераканалася, што вадзіцелі цябе заўважылі і прапускаюць, толькі потым пайшло па пераходзе», — падкрэслілі праваахоўнікі.
«Важная задача дарослых — кантроль за дзецьмі. Выключыце доступ падлеткаў да ключоў ад аўтамабіляў, матацыклаў і мапедаў. Ваш штодзённы напамін і асабісты прыклад бяспечных паводзін дапамогуць уберагчы дзяцей ад бяды», — рэзюмавалі вартавыя дарог.
