Паводле інфармацыі Белгідрамета, сёння на большай частцы тэрыторыі краіны чакаюцца навальніцы, месцамі моцныя ліўні, па паўднёвым усходзе максімальная тэмпература паветра дасягне плюс 31 градус.

Перапады атмасфернага ціску і гарачыня неспрыяльна ўплываюць на самаадчуванне: моцна зніжаецца канцэнтрацыя ўвагі і запавольваецца рэакцыя, магчымы вяласць, санлівасць, галавакружэнне. Гэта павышае верагоднасць учынення ДТЗ.

У Дзяржаўтаінспекцыі настойліва рэкамендуюць вадзіцелям кантраляваць сваё самаадчуванне, метэазалежным і хворым на сардэчна-сасудзістыя захворванні — адмовіцца ад паездак, не звязаных з крайняй неабходнасцю. Нават здаровым людзям не варта доўгі час знаходзіцца за рулём. У дарогу важна браць пітную ваду і неабходныя лякарствы.

Пешаходам рэкамендуецца пазбягаць знаходжання на вуліцы ў пік актыўнасці сонца, насіць галаўны ўбор і сонцаахоўныя акуляры. Маршрут трэба пракладаць праз паркі або цяністы бок вуліц.

У навальніцу і лівень вадзіцелям неабходна знізіць скорасць, павялічыць дыстанцыю, уключыць блізкае святло фар. Калі бачнасць падае да нуля, трэба ўключыць аварыйную сігналізацыю, асцярожна з’ехаць на абочыну і перачакаць пік непагоды. Важна не паркавацца пад дрэвамі, рэкламнымі шчытамі, слаба замацаванымі канструкцыямі або ў нізінах, дзе хутка збіраецца вада. Калі аўтамабіль імкліва затапляецца, трэба неадкладна пакінуць яго і ратавацца.

Пешаходам у час навальніцы трэба трымацца далей ад адзінокіх дрэў, ліній электраперадачы і высокіх металічных збудаванняў. Пераходзіць дарогу толькі пераканаўшыся, што вадзіцелі вас заўважылі і паспяваюць спыніцца.

Нарады ДПС арыентаваны на аказанне дапамогі грамадзянам і забеспячэнне бяспечных умоў руху. Калі вы аказаліся ў цяжкай сітуацыі, можна паведаміць аб гэтым па тэлефоне 102 або ў чат-бот МУС «Мы заўсёды побач!».