У Беларусі 6 снежня ноччу месцамі чакаюцца невялікія дажджы, днём будзе пераважна без ападкаў, у асобных раёнах магчымы слабы туман. Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У суботу будзе воблачна, днём з праясненнямі. Вецер прагназуецца паўднёва-ўсходні 4—9 м/с.
Тэмпература паветра ўначы складзе ад мінус 1 да плюс 5 градусаў. Днём будзе 1—7 градусаў цяпла.
