У панядзелак, 12 студзеня, на асобных участках дарог краіны захаваецца галалёдзіца, у начны час пры праясненнях тэмпература паветра панізіцца да мінус 25 градусаў. Аб гэтым паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У панядзелак у Беларусі будзе воблачна з праясненнямі. У многіх раёнах чакаецца невялікі снег, днём па паўночным усходзе часам снег. Уначы і раніцай месцамі слабы туман. На асобных участках дарог галалёдзіца. Вецер паўночна-заходні слабы да ўмеранага.
Тэмпература паветра ноччу складзе мінус 16-22 градусы, пры праясненнях — мінус 23-25 градусаў, у паўднёва-заходніх раёнах — мінус 12-15 градусаў. Днём чакаецца мінус 9-15 градусаў.
