Удзел у вырашальным этапе нацыянальнага першынства прынялі наймацнейшыя пары па выніках папярэдніх раундаў чэмпіянату. Перамогу ў мужчынскім турніры атрымалі шматгадовыя лідары айчыннага пляжнага валейбола Аляксандр Дзядкоў і Павел Пятрушка, якія ў фінале абгулялі Андрэя Балыку і Юрыя Лагуна. Бронзу ўзялі Максім Фралянкоў і Уладзіслаў Іваноў.

Залатыя медалі ў жанчын заваявалі Вольга Абраменка і Надзея Цішкова, на другой пазіцыі размясціліся Дар’я Савасцьян і Святлана Шымановіч. Бронзавымі прызёрамі чэмпіянату Беларусі сталі Крысціна Глушакова і Вераніка Гром. Далей найлепшыя валейбалісты краіны выступяць на міжнародным турніры «Кубак Перамогі», які пройдзе ў Мінску з 3 па 6 верасня.