Дзеючы ўладальнік Кубка Колдэра «Абатсфард» у гасцях абыграў «Сан-Дыега» з лікам 5:3. Беларускі нападаючы канадскага клуба Даніла Клімовіч аддаў галявую перадачу ў трэцяй рэзультатыўнай атацы пераможцаў. Гэты бал стаў для пінчаніна сотым за кар’еру ў рэгулярках АХЛ (56+44), гэта пяты рэзультат сярод беларусаў за ўсю гісторыю лігі. Пасля 28 матчаў цяперашняга сезона ў актыве Клімовіча 11 (4+7) ачкоў.

У складзе «Сан-Дыега» аўтарам другой шайбы стаў наш Ягор Сідараў, які набраў 17 (8+9) балаў у 34 гульнях чэмпіянату. Паралельна «Каачэла» на выездзе аказалася мацнейшай за «Тэхас» (6:3), у гасцей беларус Андрэй Лашко дапамог вызначыцца партнёру пры другім узяцці варот саперніка. Гэта рэзультатыўнае дзеянне стала для Лашко сёмым у 28 гульнях сезона (2+5).

Таксама ў ноч на 15 студзеня па мінскім часе «Хершы» ў авертайме ўступіў «Хартфарду» (2:3), форвард каманды, якая прайграла, Ілья Протас зарабіў асістэнцкі бал. 19-гадовы хакеіст з’яўляецца найлепшым беларускім бамбардзірам бягучага рэгулярнага чэмпіянату АХЛ, на рахунку віцябчаніна 27 (14+13) ачкоў у 34 матчах.