Што зменіцца для «аматараў пары» і ўсяго грамадства?

• Рэкламе — стоп. Вэйпы больш не будуць з'яўляцца на экранах ці білбордах.
• Спіс месцаў, дзе забаронена курыць (як звычайныя, так і электронныя цыгарэты), значна павялічыцца. Напрыклад, больш нельга будзе «папарыць» на ганку пад’езда або ў інтэрнаце, што створыць камфортнае асяроддзе для ўсіх.
• Цяжкасці з набыццём. Выкладка тавару на вітрынах, дастаўка і продаж электронных цыгарэт будуць пад жорсткім кантролем. Гэта як са звычайнымі цыгарэтамі — іх не купіш проста так.

Каго абараняем? Моладзь!

Спецыяліст Міністэрства аховы здароўя Вольга Бартман б’е трывогу: большасць, хто карыстаецца вэйпамі, — гэта людзі 18—29 гадоў. Але самае страшнае — вэйпамі «балуюцца» нават 15 % школьнікаў 13—15 гадоў, прычым дзяўчаткі часцей!

Вольга Бартман падкрэслівае, што вэйпы (нават без нікаціну!) не бясшкодныя. Яны ўтрымліваюць шмат ядаў, якія разбураюць дыхальную, сардэчна-сасудзістую, імунную і нервовую сістэмы, асабліва ў падлеткаў. Паводле Сусветнай арганізацыі аховы здароўя, вэйпы, як і звычайныя цыгарэты, выклікаюць моцную залежнасць. Акрамя таго, яны часта з’яўляюцца «прыступкай» да звычайных цыгарэт, ператвараючы людзей у «двайных курцоў».

Пакуль ідзе падрыхтоўка закона, Міністэрства аховы здароўя ўжо праводзіць маштабную акцыю супраць курэння (з 3 па 21 лістапада). Гэта падкрэслівае: для Беларусі здароўе нацыі — не пустыя словы. Мы выбіраем чыстае паветра і здаровую будучыню без шкодных звычак.

Чытайце таксама: Як цыгарэты і вэйпы ўплываюць на сасуды? Расказаў кардыёлаг