Холад «з’ядае» зарад

Са слоў прадстаўніка прадпрыемства, галоўная праблема звязаная з нізкімі тэмпературамі, якія наўпрост уплываюць на работу электратранспарту.

— З улікам неабходнасці работы ацяпляльнікаў салона, натуральна, расход электраэнергіі павялічваецца, — адзначыў Раман Прановіч.

Гэта датычыцца не толькі электробусаў, але і тралейбусаў, у тым ліку тых, якія на асобных участках маршруту рухаюцца аўтаномна, без падключэння да кантактнай сеткі.

Даводзіцца даўжэй стаяць на канцавых

З-за павышанага энергаспажывання ў тралейбусаў з аўтаномным ходам хутчэй зніжаецца зарад. У выніку транспарт вымушаны даўжэй знаходзіцца на дыспетчарскіх канцавых станцыях, каб папоўніць запас энергіі.

— Гэта адзін з негатыўных момантаў, які і прыводзіць да адставання ад графіка руху, — растлумачыў намеснік кіраўніка «Мінсктранса».

Як вырашаюць праблему

На прадпрыемстве адзначаюць, што прымаюць меры для мінімізацыі спазненняў. У прыватнасці, карэкціруецца склад транспарту на маршрутах, а пры магчымасці выкарыстоўваецца рэзервовы рухомы састаў.

— Адзін з варыянтаў — укліньваць паміж электробусамі звычайны аўтобус. Яму не патрабуецца зарадка на канцавым, таму электробус, які ідзе перад ім, можа даўжэй пастаяць на зараднай станцыі і спакойна папоўніць запас ходу, — расказаў Прановіч.

У «Мінсктрансе» запэўнілі, што дыспетчарскае рэгуляванне працягваецца, а сітуацыя з рухам электратранспарту знаходзіцца на кантролі.