Паводле слоў спецыяліста, галавакружэнні бываюць сістэмнымі і несістэмнымі:

«Калі свет круціцца вакол вас ці вы круціцеся самі — гэта сістэмнае галавакружэнне. Такія варыянты часта звязаны з паталогіяй вестыбюлярнага апарату. Несістэмны тып выяўляецца інакш: як пачуццё млосці, слабасці, млоснасці і няўпэўненасці пры хадзе».

Самы часты від сістэмнага галавакружэння ўзнікае пры змене становішча цела, напрыклад, калі чалавек раніцай устае з ложка.

«У гэты момант круціцца столь, круцяцца прадметы, што суправаджаецца моцнай млоснасцю. Самая частая прычына тут — дабраякаснае параксізмальнае пазіцыйнае галавакружэнне. Яно не мае дачынення да сасудаў, хоць людзі часта баяцца, што гэта інсульт», — супакойвае ўрач.

Існуюць сімптомы, пры якіх марудзіць нельга. Эксперт адзначае:

«Калі адчуванне няўстойлівасці ўзнікае востра і спалучаецца са здранцвеннем у канечнасцях, напрыклад, з аднаго боку, або слабасцю, ёсць нейкая невыразнасць мовы, то гэта неадкладная сітуацыя, якая патрабуе звароту па медыцынскую дапамогу для выключэння інсульту. Таксама бываюць такія сур’ёзныя захворванні, як, напрыклад, аб’ёмнае ўтварэнне галаўнога мозгу. Калі галавакружэнне ў вас рэгулярнае і паволі нарастае, то гэта падстава звярнуцца да неўролага».

Таксама нельга выключаць і саматычныя прычыны галавакружэння, напрыклад, дэфіцыт жалеза.

«Пры анеміі ўзнікае сідэрапенічны сіндром. Пацыенты адчуваюць пачашчанае сэрцабіцце, стамляльнасць і несістэмнае галавакружэнне. У такой сітуацыі трэба праверыць гемаглабін, узровень жалеза і ферыцін», — раіць спецыяліст.